صحن محمرة بشهي

خلونا نجهز اطيب صحنه محمره اللي انا عندي اياه اساسي بسفره رمضان اللي مجرب طريقتي تبع كل سنه هالمره عملنا عليها تعديل بسيط انا حسيت زدت له نكهه كثير طيبه اللي هي اني حطيت فليفله فريش فليفله حمراء مثلا من قطعتين لثلاثه بشويه اما بالقلايه الهوائيه او بالفرن بنشو تماما وبعدين بنشيل منهم البذور ونطحنهم بنحط عليهم معلقتين كبار دبس فليفله خمس معالق كبيره من دبس الرمان ومن نص فنجان لفنجان قهوه من زيت الزيتون حسب انتم كيف بتحبوا كميه الزيت وثلاث معالق كبيره طحينه وبدي احط جوز مطحون كمان كميته اختياريه انا صراحه بحط نص كاسه فيكم تحطوا اقل وبدي كمان نص كاسه من البقسماط او الكعك المطحون بصله صغيره مبشوره بحط ملح ورشه غيره من الكمون بدنا تقريبا نص فنجان قهوه مي ونطحن وهون انتم بتشوفوا السماك اذا حسيتوه سميك ممكن تضيفوا كمان شويه مي والنتيجه كثير طلعت ظريفه جربوها ان شاء الله تعبكم وصحه والف هنا