باش يجيك لمشوك الجزائري بالكاوكاو خفيف و معسل للقلب وطري جربي هاد الطريقة ويجوك45 حبة

“مستحيل تذوقي هاذ الحلوى وما تعاوديهاش! 😍
اقتصادية؟ آه!
تذوب فالفم؟ أكيد!
وتخرجلك 45 حبة راقية كأنها جاهزة من أرقى الحلويات! 🍒
شاهدي للنهاية و راح تجربها اليوم قبل غدوة!”

💫 مشوك الكاوكاو المعسل… الحلوى اللي لازم تكون فدارك!

المكونات
250غ زبدة
4صفار بيض
كأس سكر ناعم
كأس نشاء
كأس كاوكاو محمص ومرحي بالقشور
كيس وربع خميرة الحلويات 12غ
لافاني
قرصة ملح ونلم بالفرينة

#المشوك_الجزائري #حلويات_اقتصادية #وصفة_تندمي_إذا_ما_جربتيهاش
#حلويات_راقية #حلويات_العيد #kaokao #AlgerianSweets
#وصفتك_ترند #تفجير_الوصفة #مطبخ_جزائري #حلويات_ايمو

سلام واش راكم ان شاء الله كامل تكونوا بخير ومرحبا بكم معايا في فيديو جديد ووصفه جديده معكم ايمان حمدي هذا المشوك راح تندموا ما جربتوهش يقطر بالعسل ويذوب في الفوم ويخرج لكم قريب 45 حبه والله يبارك الحبات كبار ويذوب شوفوا يذوب ذوبان وصفه سهله وسريعه واقتصاديه ومكوناتها موجودين في كل بيض درتها غير بالكاوكاو وجا واحد البنه ما تتشبعش صلوا وسلموا معايا على الحبيب المصطفى عليه افضل الصلاه والسلام وباش يجيك المشوك هكذا الشباب ويبري ومعسل حتى للقلب ما عليك غير تبعي الخطوات وتتقيدي بالمقادير عندي 250 غرام زبده مارغرين مخلطه شحال من نوع انايا عادي ديري اي مارغرين عندك في الدار زيدي عليهم اربعه صفار بيض اللي كنت خليتهم الفيديو السابق قلت لكم ح نديرلكم به المشوك ولا صابلي درت المشوك عندي كاس سكر كلاص ماشي معمر ما تنساوش ديروا لافاني بودره ولا ليكيد انا درت ليكيد باسكو هذاك واش كان عندي تحبوا تخلطوا بيديكم ولا تخلطوا بالفوي العادي ولا بالباتور المهم لازم يتخلطوا بيان هذوك المكونات سر الطراوه والخفه والبنه تاع هذا المشوك هو في صفار البيض ديروا صفار البيض وحده والبياض خلوه تحتاجوه في الاخير عندي هنايا كاوكاو بالقشور شوفوا حمصته ماشي حتى تحرقه ومرحي بيان درت تقريبا واحد الكاس هكذاك ماشي معمر زدت معه كاس تاع مايزينا اللي هي نشاء الذره نزيد نخلط بك المكونات هذوخلهم مليح مع هذك الزبده ونجمع لاباط بالفرينه هنا نحبط الجوانب باش تخلط هذك المايزينا والكاوكاو بالقشور هو اللي حيزيد بنه لهذا المشوك هنا من الاحسن من الاحسن ديروه بالقشور ولازم يكون محمص جديد والا كان عندكم يعني ديجا مخبي ومحمص عاودوا حمصوه عاودوا سخنوه مليح في الفرن رايحين تعاودوا تعطيوله الانتعاش هنايا درت كيس خميره كامل وزدت يعني ربع واحد اخر يعني كيس خميره وربع ودرت القرصه تاع الملح في الاخير باسك نسيتها مع الاول درت قرصه مليحه تاع الملح ونطم لاباط تاعي بالفرينه باش يجيكم يعني خفيف ومهوي ويشربلكم مليح العسل لازم تخليوها طريه شويه تلصق لاباط خليوها شويه جاريه وراح يتنفخ معكم ويتشقق والمشوك الا ما تشققكمش غير بدلوا الوصفه وهذ العجينه تنطم فقط ما تتعجن ما والو ما هي ما لاباط صابلي وشنو خليوها بكيه شويه طريه خليوها طريه ما تنساوش باللي هذاك الكاوكاو اللي ضفناه في لاباط رايح يزيد يخليها تنشف يعني خليوها طريه وما تخافوش وخدموها مباشره ما تريح ما والو شكلتهم كرات وزن 25 غرام انا نحب نوزن الحلوه تاعي باش تجيني كامل على حبه وانتما تحبوا ديروا عينكم ميزانكم انتما حرين حبيتوه يجيكم بزاف كبير ديروه 30 غرام باسكو حيزيد يترمد في البيض ويترمد في الكاوكاو يعني ياخذ فوليوم يزيد فيه الخميره يزيد يتنفخ ديروا حسابكم انا درته 25 غرام باش ما يجينيش صغير يجيو الحبات كبار يجيو ملاح يجو هايلين هكذا باش اللي يرفد حبه يكملها هذه الكميه خرجت لي تقريبا 44 حبه وقعدت لي شويه يعني تقريبا 45 حبه انا حتى نشكل كامل العجينه تاعي من بعد نروح نرم نرمدهم هاو ليك الكاوكاو رحيته بالقشور بيان سوغ هنايا اللي ح نرمد فيه نخليه شويه خشين وهذاك الرقيق نحيوه ضيفوه لداخل في لاباط انا ماغربلتوش يعني هكذا وحدي بقعد نزغد في السنيوه يطلع الخشين من الفوق درته بجيه واللي من تحت نحيته رميته داخل في لاباط جبت بياض البيض هذاك اللي تنحيوه من الصفر ضربوه شويه بالفرشيطه باش العجينه ما ترفدلكمش كميه كبيره تاع بياض البيض يعني غطسوه مليح في بياض البيض انا هذه العمليه نحب نخدمها بيدي باش ما نجرحش لاباط بالفرشيطه ولا بالملعقه وفي نفس الوقت كي ندير في الكاوكاو نرمدوا مليح هذك لاباط كامل تولي ما تبانش فوالا شوفوا ونديرهم في ليكيسات انا درت هنا ليكيسات صغار رقم نورمالمون رقم مي لو كان كانوا كبار شويه يكون احسن باسكو انا نطيبهم في ليكيسات ونعسلهم فييهد لي كيسات من بعد نبدل لهم يعني ليكيسات الجدد انا هذه هي طريقتي الفرن هناي مشعلاته يسخن على 160 ما تفوتوش 100 يعني 165 باش ما يتحمرلكمش بزاف من التحت طيبوه في الوسط ما تشعلولوش كامل من الفوق بعد ما كملت ستفتهم كامل في السنيوه بون السنيوه مافدتليش كامل الكميه قعدولي واحد جوج حبات ولا ثلاثه درت لهم نص حبه تاع سوغيز هنا من الاحسن لو كان تشمخوا هذك النص حبه تاع سوغيز في بياض البيض اللي يبقى وتحطوها فوق الكاوكاو راح تلصق خير وخير ما تضغطوش عليها بزاف باش ما تبلاطالكمش الحبه تاع المشوبك ولا تحبوا ترشقوا لها حبه كاوكاو ما حبيتوا انا نحب بالسوغي شوفوا يزيد فيه النص هذاك اللون الاحمر ويجي ضاوي يجي باهي يجي بزاف شباب وانتوما وما ديروا واش عندكم كملتهم هنا كامل وريت لكم قبل ما نطيبو هنايا فوالا هنايا برك ح نقوللكم على التستافلش بزاف باسكو رايحين يتنفخوا شوفوا خليت انا اسباس صغير هكذا بيناتهم باش كي يتنفخوا ما يلصقوش يقعدوا يعني يخسر شويه الشكل تاعهم طيبتهم حتى طابوا يعني تنفخوا تشوفوهم حماروا نحيوهم ياخذوا معكم واحد ميم با 15 دقيقه كل وحده على حساب الفرن تاعها هنا من الاحسن نعسوهم تشوفوهم تحمروا من التحت وتنفخ بيان المشوك تاعكم وتشقق وبدا ياخذ تحميره هكذايا من الفوق نحيوه يطيب هو ماياخذش وقت طويل مباشره وهو سخون تعسلوه بعسل يعني يكون ثقيل من الاحسن يكون شويه ثقيل انا ما زدت له والو شريت عسل جاهز عسلته كل حبه مشوك ندير لها تقريبا واحد المغرف كبيره تاع عسل خليوه في هذوك ليكيساتك العسل حيبط في ليكيسات تحت من بعد المشوك حيزيد يشربه خليوه ماشي مباشره تروحوا تبدلوه ليكيسات من بعد بدلت له لي كيسات هاوليك شوفوا كيفاش يجي معسل قلت لكم السر كامل راهو في العجينه العجينه تاع المشوك دير لها غير صفار البيض باش تجي خفيفه وتجي هشيشه وخليوها طريه قد ما تخليوها طريه قد ما راه يتنفخ رايح يتنفخ معكم ويجي خفيف من الداخل ما يجيش مدكس ويشرب بيان العسل يعني رايح يشرب العسل حتى للقلبك نقسم لكم حبه باش تشوفوا غير حطيت فيها الموس تقسمت يجي يذوب قلت لكم يذوب ذوبان ما يفسد ما يبس ما يخسر يبقى مده طويله هذو هما الوصفات اللي يوالموا في عيد الاضحى وساهلين واقتصاديين ويخرجوا كميه كبيره وفي نفس الوقت كي ديروا الحلوه تاعكم ماتودوش تولو لها انكم طيبوها راهي واجده ماتنساوش دير جيم لي فيديو تاوعي بارطاجيوهم مع احبابكم هكش يجربواي شويه شجعوني خليولي كومونير