المريقه تجي خاطره الله الله تابعوا الاخير واحتفظوا بالوصفه وبارطاجيوها الدواره بعد ما غسلتها ونقيتها ماكله تقولوا لي ماكرتيهاش حنايا خليوها هكا الغرنوق والمصران كنت غليتهم وقطعتهم قطعه صغيره وزدت لهم شويه لي شوت تاع الدواره كميه من لافيوندشي ربطه تاع حشيش وربطه تاع نعناع قطعتهم راس الثوم اللي كنت هرسته مع مغيرفه كبيره تاع الملح كميه من الحميصه وشويه روز كنت شلته درت مغيرفه صغيره تاع العكري مع مغرف كبيره كرويه مغيرفه كبيره فلفل حار وج مغارف كبار طوماط كونسونطريي وشويه زيت كاين اللي يدير شحمه بصح حنايا ما نحبوهاش نخلطوا كامل المكونات مع بعض مليح الحشو تاعي درته في بوش وهذ الطريقه بزاف سهله تم تم تعمر الحبيبات كامل برك الفتحه من تحت كبروها شويه واره بعد ما قطعتها وفصلتها خيطتها من الجوانب وخليت فتحه باش نعمر الحشو ولي برا ما نحيتهاش حتى نكمل نعمر الحبيبه ونغلقوا الفتحه ماتعمروهمش بالحشو بزاف بعد ما كملتهم بيكيتهم بيبره باش كي نديروهم في لاكوكوط يطلقولي كامل البنه تاعهم كوكوط درت شويه ماء سخون درت الحبات تاوعي معم ميصه ما نضيف والو رايح العصبان يطلق لي كامل الدوزين تاعه بعد ما طابلي ضفت القرعه في هذ المرحله الا شفتوا كش ما خصوا شويه عكري حار توما ضيفواه انا جاني هايل بلا ما نضيفلو والو غلقت عليه والعصبه تاعي را واجد صدقوني جا مطرطق بالبنه وديك المريقه جات خاطر الله الله وما بقالي غير نقوللكم بالصحه والراحه
1 Comment
البنة تتقاطر