بوريك تركي بدون عجن أو فرد بكل بساطة

بوريك تركي بدون عجن أو فرد بكل بساطة

هاتوا لفه الجلاش الموجوده عندكم وخدوا كل ورقه ادهنوها بالخليط اللي احنا هنعمله ده اللي هو عباره عن كوبايه من اللبن عليه علبه من الزبادي صغيره وعليه نص كوبايه من السمنه المتسيحه او سمنه على زيت عادي خالص ورشه من الملح ومعلقه صغيره من البيكنج باودر نخلط المكونات دي مع بعضها كويس جدا ونجيب بقى كميه اللحمه المناسبه ونشوحها كده على النار مع بصل وثوم وشويه بهارات انا استخدمت كميه البصل قد كميه اللحمه وفلفل بارد وحامي وكمان ثم شوحتهم كده مع اللحمه علشان تكون معانا لحمه متعصجه طعمها حلو ما تنسوش بقى ببشره جوزه الطيب كده ورشه بسيطه جدا من القرفه للناس اللي بتحس بريحه زفاره في اللحمه المفرومه المتعصجه هنقلبها كل فتره ونخلي النار هاديه علشان توصل للون الحلو ده وكده بتكون جاهزه لو اقل من كده فما بيكونش طعمها حلو نجهز بقى الصينيه بتاعتنا انا استخدمت صينيه قد لفه الجلاش يعني نفس طولها كده ودهنتها كويس بالسمنه نجيب بقى لفه الجلاش بتاعتنا انا استخدمت لفه جلاش وزنها نص كيلو خدت بقى من التشريبه اللي انا عملتها وهاخد ثلاث ورقات او اربع ورقات يعني بس ما تزودوش عن اربعه وهنبتدي ان احنا نحط كده بين كل ورقه والثانيه بالفرشه من التشريبه اللي احنا عملناها وناخد اللحمه المفرومه اللي احنا عصجناها وهنحطها كده حشوه ممكن كمان تستخدموا اي حشوه ثانيه زي جبن مشكله او تحشوها مثلا شاورما فراخ او سدق متشوح مع بصل وفلفل وتوم كده بيكون تحفه اهم حاجه ان انتم تعملوه بنفس الطريقه كده علشان بجد النتيجه هتكون معاكم مبهره مش هتصدقوا اصلا الجمال اللي انتم هتاكلوه ونخلص كل ورق الجلاش بنفس الطريقه علشان نخلص كل الصينيه ولو انتوا مش عندكم زبادي تقدروا ان انتم تستغنوا عنه وتضيفوا لبن بس لبن مع باقي المكونات اللي احنا ضفناها للتشريبه يعني عادي خالص بس طبعا اضافه الزبادي بتفرق جدا هنخلص بقى كل الصينيه كده زي ما انتم شايفين وهبتدي ان انا اقطعها بالاحجام دي تقدروا ان انتم تقطعوها بالاحجام اللي انتم تفضلوها هيكون زاد مننا شويه كده من التشريبه بعد ما بنقطعها بندهن باقي التشريبه على الوش كده علشان يكون لونها حلو بعد ما تستوي في المرحله دي بقى وخلاص هي بتخلص بنكون بنسخن الفرن ونسيبها تسخن لمده 10 دقاق وندخل الصينيه في الرف الوسطاني كده زي ما انتم شايفين ونسيبها بس نص ساعه هنلاقيها احمرت من جميع النواحي ولو كانت محتاجه ان احنا نشغل الشوايه فاشغلوا الشوايه علشان تاخد اللون الحلو ده. عايزه اقول لكم انها تحفه. اول ما تطلع من الفرن حاولوا ان انتم تغطوها علشان يكون طري معاكم جدا وهيطلع معاكم بالطراوه والجمال دي. وده احلى بوريك تركي مش جلاش مش هنقول عليه جلاش خالص. الجلاش اللي احنا كلنا عارفينه اللي احنا بنشربه ببيضايه وكوبايه لبن. ده طعمه مختلف خالص يا جماعه عن الجلاش العادي اللي احنا بنعمله. دي وصفه اسمها بوريك تركي. الاتراك بيعملوها كده. بس بيضيف لها بيض وانا عملتها من غير بيض