طاجن كسكسي بالخضار واللحمة • نهى صفوت عطا

هنعمل طاجن كسكسي بالخضروات ده افضل نوع انا لقيته في السوق كسكسي ايجي جاردنز وهذا ليس اعلان مدفوع الاجر الكسكسي بيتعمل من قمح اسمه قمح صلب او قمح الدروم اللي بيتعمل منه صميم البسبوسه وممكن نعمل منه مكرونه بس بتبقى المكرونه بتاعته سعرها مرتفع قمح الدروم مفيد جدا للجهاز الهضمي ولسكر الدم وللوزن من التوابل الشائعه في المطبخ المغربي الشمر واليينسون والكراويه والمستكه والحبهان والقرنفل والجنزبيل والكاري والكبابه الصيني وفلفل اسود وفلفل ابيض ودول انا هطحنهم الطبق الثاني اللي مش هطحنه فيه خولجان وقرفه وورق لورا وتوم وكمان المشمش اللي احنا جففناه في البيت وعشان كده لونه غامق لان ما عليهوش اي مواد حافظه المشمش بيدي طعم مزازه شبه السماق شويه وهبشر بصلايه كبيره وهقطع بطاطسايه وعندي شويه بسله ولحمه معصجه كانوا في الفريزر ودول خمس كوبايات مرقه وسلقت نص كوبايه حمص شام هحمر البصل والثوم في معلقه معلقتين سمن في طاجن واحنا قلنا قبل كده ان الطواجن الصعيدي الصحيه بتتحط على النار مباشره مش بيجرى لها حاجه بعد كده هحط على البصله كل التوابل اللي معايا وطبعا القرفه نخلي بالنا هي القرفه الصيني علشان نعرف نحط عود لو القرفه بلدي بنحط رشه صغيره وانا حطيت معلقه واحده صلصه طماطم انما اللي يحب الطبيخ يبقى لونه احمر يحط اربعه وهنحط كل الخضروات اللي احنا محضرينها ومقطعينها وهنقلب كل ده مع بعضه كويس ونحط شوربه قليله انا مش عايزه يبقى فيه مرقه كتير وهنغطيها ونسيبها تستوي البطاطس محتاج يستوي البسله مجمده فمش هتاخد وقت وطبعا حطيت ملح لان التوابل ما كانش عليها ملح لما يتبقى شويه ميه صغيرين هطفي على الخضار وهجيب طاسه احط فيها معلقتين سمن وكوبايتين كسكسي اعايرهم كويس وهقلبهم على النار علشان بس يتقلبوا في السمن كويس مش محتاجه ان هم لونهم يتغير ولا حاجه دي مش الطريقه اللي مكتوبه على الكيس دي طريقتي انا انا هولع النار ثاني على الطاجن واحط الكسكسي عليه وهحط معاه كوبايتين مرقه بيغلوا مسخناهم هحطهم وهقلب كويس قوي و هغطي الطاجن واطفي النار واسيبه ثلث ساعه الكسكسي الحادق بيبقى حلو قوي مع الزيتون الاخضر طبعا البرطمان اللي احنا مخللينه السنه دي لسه ما جهز بس احنا عندنا بواقي السنه اللي فاتت بعد ثلث ساعه لما افتح على الطاجن هلاقي الكسكسي شرب الميه كلها ونفش جدا وبقى مفرول مش ملزق ولا حاجه دي طريقتي ثاني بقول لكم مش الطريقه اللي مكتوبه على الكيس الطواجن المدهونه دي شكلها حلو جدا ولكنها مضره جدا لو طبخنا فيها فلما بقدم فيها اكل بحطه الاول في طبق ثاني عندي تسبيكه قوطه بالبصل رشيتها على وش طبق الكسكسي لما غرفته جربوه حلو جدا وبالف ‏H