الا كانوا كيعجبوك الوصفات ديال الروز جربيه بهذه الطريقه را كيجي لذيذ وكيشبع وساهل في التحضير غادي يعجب الوليدات غادي يوليو كل مره يطلبوه لك انا بعدا كل مره كيطلبوه لي من كثره اللذ دياله يلا ونبداو الوصفه والا كنتوا ما مشتاركينش في الصفحه اشتركوا باش يوصلكم دائما الجديد فيواحد المقله كندير شويه ديال الزيت وثومه محكوكه وواحد الفلفله حمراء مقطعه شويه الملحه وشويه الابزار وكنقلي هذك الفلفله ديالي مزيان وحدها كندير واحد الكاسرونه فيها الماء وكندير الروز يتسلق الروز كيبقى على حسب افراد العائله وكنخليه حتى كيتسلق عادي مع الملحه وشويه الزيت هنا عندي واحد البول كبير كندير فيه الفلفله اللي شحرتها وكنزيد هذاك الروز وكندير الذره وكندير الزيتون كثير زلافه ديال الزيتون هي اللي قدها قد الذره وكندير كاشير محكوك تقدروا تستغناو عليه جوج علب ديال الطون وكندير القزبر والمعدنوس شويه ديال الكمون كتزيدوا من الفوق شويه ديال الشوينيه كتعطيه واحد المذاق زوين وكنزيد واحد شويه ديال زيت الزيتون صافي وكنخلط المكونات كامله مع الرو ما تكثروش الرز على المقادير الاخرى ضروري يكون الطون باين ويكون الزيتون باين بكثره ويكون الذره باش يجيكم المذاق زوين ويعجب الوليدات ديالكم كيجي كمقبله في الغدا كيشبع ولا حتى في العشاء علاش لا وهنا كنقوللكم بالصحه والراحه الى فيديو قادم ان شاء الله
Dining and Cooking