برجر محشي جبنه غرقان صوص المشروم -طريقة تقديم مختلفه

طريقه تقديم مختلفه للبرجر
محشي جبنه وغرقان صوص مشروم

المقادير :
½ كيلو لحمه مفرومه فيها نسبة دهن حوالي ١٥%
½ مغلف خلطة البرجر
¼ كوب مياه
(او نتبلها عادي بملح وفلفل وثوم بصر باودر )
جبنه شيدر
زبده
شرائح علبتين مشروم
٢ ملعقة كبيره من صوص الديمجلاس
او معلقه كبيره دقيق بس اللون هايبقى افتح
روز ماري للتزيين

#teamkhalook

دي طريقه مختلفه للبرجر برجر بصوص المشروم محشي بالجبنه تشيدر وغرقان صوص يعني زي البيكاتا كده بس محشي جبنه هستخدم نص كيلو لحمه مفرومه فيها نسبه دهن وعشان اخد طعم برجر مظبوط هستخدم خلطه البرجر من شيفي ميكس باخد نص الكيس على ربع كوبايه ميه واذوبهم كويس وبانزل بيهم على اللحمه واقلبها بس ما بعجنهاش عشان مش عايزها كفته وافردها بالشكل ده واحط قطعه شيدر واغطيها واقفلها كويس ده شكلها وبعد ما بخلص الكميه كلها بحمرهم في شويه زبده وزيت ومش بحركهم خالص الا لما يحمروا بقلبهم الناحيه الثانيه تحمر هي كمان وارفعهم من على النار وفي نفس الطاسه هنزل بشرايح مشروم واشوحهم كده في دهون البرجر عشان ياخدوا من طعمه وهدوب معلقتين كبار من صوص الدمج في شويه ميه هيدينا لون وطعمه مركز ولو مش متوفر هكتب لكم بديل وازود بقى كوبايه ميه سخنه وكوبايه لبن واظبط الملح مع شويه فلفل اسود واقلبهم شويه لحد ما يتقلوا بالشكل ده انزل بالبرجر ثاني ياخد دقيقتين معاه واغطيه كده بالصوص وممكن ازينه بالروزماير اهو كده خلصنا سهل وسريع وشكله كمان حلو في التقديم عايزين بقى ناكله مع مكرونه مع بطاطس مهروسه زي ما احنا عايزين هستنى تجربوه وتقولوالي رايكم والطعم حدوته وبالف ‏H