متخيلين ان انتم ممكن تعملوا حلاوه طحينيه في البيت كمان صحيه للدايت من غير سكر ابيض ومن غير اي نوع دقيق يلا بينا نشوف هنعملها ازاي اول حاجه هنحتاج كوبايه من جوز الهند المبشور الناعم او نطحنه في المطحنه هنضيف عليه نص كوبايه من الطحينه ونص كوبايه من العسل اهم حاجه تكون الطحينه خام وهنضيف كمان اثنين معلقه كبيره من الحليب البودر ده اختياري هنخلط المكونات دي كويس جدا كده مع بعض بالشكل ده لحد ما نوصل للقوام ده. هناخد حته من العجينه اول ما نضغط عليها كده بايدينا وتبتدي تشكل معانا. ده كده القوام المظبوط. هنجيب علبه عندنا ونحط فيها كيس. الحركه دي مهمه جدا عشان القالب الحلاوه يطلع معانا بكل سهوله. هنضيف بعد كده مكسرات دي اختياريه برده ممكن تضيفوا اي نوع مكسرات ونبدا ان احنا نضيف العجينه بتاعتنا بالشكل ده. اهم حاجه كل ما نضيف معلقه نضغط كويس جدا بالمعلقه وبايدينا لحد ما تتحول معانا قطعه كبيره متماسكه ده كده شكلها بعد ما ضغطت عليها كويس جدا بعد كده قفلتها كويس ودخلتها الثلاجه لمده ساعه عشان تتماسك اكتر كده انا طلعتها من الثلاجه بعد ساعه كده بالشكل ده هاجي الطبق وابدا ان انا اقلبها شايفين حركه الكيس دي هتطلع معاكم بكل سهوله ومش هتلزق معاكم في القالب وكده نكون جهز جهزنا الحلاوه الطحينيه في البيت حرفيا من احلى الوصفات اللي انتم ممكن تعملوها وناجحه 100% هي طعمها مش شبه الحلاوه هي طعمها بالظبط الحلاوه الطحينيه كمان من غير سكر من غير مواد حافظه طعمها فعلا تحفه هتنبهروا حرفيا بالنتيجه وهتعملوها على طول وهتستغنوا خالص ان انتم تشتروا الحلاوه الطحينيه من بره كمان تنفع في الدايت ناخد منها قطعه كل يوم عادي كسناك وهتدينا طاقه وح حلوه جدا بس كده تكون الوصفه خلصت ولو عجبتكم الوصفه قولي لي رايكم
3 Comments
❤️يسلم ايدك وعينك ويبارك لك يا رب 🤲🤲😍❤
حرفيا انتي شيف ممتازة ورائعة وشكرا عالوصفة دي روووعة جدا ياريت تكثري من الوصفات الصحية وفميزان حسناتك
معلش لو مش بناكل جوز الهند ايه بديله