البصارة المصرية و العيش البلدي | أكلة بيتي | الأربعاء 12 نوفمبر 2025

اشترك في قناة لقمة هنية لمشاهدة احلى واسهل وصفات الطعام: https://bit.ly/Sub-LokmaHanya
اشترك في قناة النهار لمشاهدة أحدث وأقوى الفيديوهات: https://goo.gl/qXtFv6
البصارة المصرية و العيش البلدي | أكلة بيتي | الأربعاء 12 نوفمبر 2025
شاهد وصفات برنامج أكلة بيتي في شهر نوفمبر: https://www.youtube.com/playlist?list=PLx2EFu656F-FwsArr_ik6Y1CHO1lFsabG
—————–
أكلة بيتي
برنامج أكلة بيتي مع الشيف مروة الشافعي، وهو يقدم أكلات سهلة و سريعة لتشجيع السيدات على الطبخ و تقديم وجبات صحية لأولادهم بطرق سهلة وبسيطة.
برنامج أكلة بيتي يذاع يومياً على شاشة النهار تردد 11785 رأسي .. البرنامج يذاع يوميًا الساعة 1 مساءً.
—————–
لمتابعة المزيد اشتركوا في قناة النهار على الواتس آب.
Follow the Al Nahar TV Network Channel on WhatsApp:
https://whatsapp.com/channel/0029Va0q7seGk1FlkoGTBh3q
——————–
تابعوا النهار على:
http://bit.ly/Facebook-AlNahar
http://bit.ly/Twitter-AlNahar
http://bit.ly/Instagram-Alnahar
http://bit.ly/TikTok-AlNahar
=============================
لمشاهدة باقي قنوات وبرامج النهار المختارة:
النهار دراما :: http://bit.ly/ElNaharDrama
النهار دراما بلس :: https://bit.ly/Sub-AlnaharDramaPlus
النهار رياضة :: http://bit.ly/AlNaharRyaada
النهار نيوز: https://bit.ly/AlNaharNews
النهار E :: https://bit.ly/AlNaharE
النهار كلاسيك :: https://bit.ly/AlNaharClassic
النهار نور :: https://bit.ly/AlNaharNoor
الستات :: https://bit.ly/Al-Setat
النهار برانكس: https://bit.ly/AlNaharPranks
النهار كيدز: https://bit.ly/AlNaharKids
لقمة هنية :: https://bit.ly/LokmaHanya
البلاتوه :: http://bit.ly/AlPlateau
الفرنجة :: http://bit.ly/AlFrenga
البث المباشر لقناة النهار: https://bit.ly/AlNaharLivestream

#AlNahar | #أكلة_بيتي | #النهار
Copyright © All Rights Reserved – Al Nahar TV

[موسيقى] بسم الله الرحمن الرحيم ازيكم عاملين ايه النهارده يوم جديد وحلقه جديده خطيره النهارده يوم الاربعا يعني احنا معاكم على الهواء احلى يوم ان شاء الله ان شاء الله يا رب يكون يوم حلو عليكم جميعا. بصوا بقى انا لابسه مريله جبتها من المتحف المصري الكبير عليها القدماء المصريين وهم بيطبخوا باينه ولا مش باينه؟ مش باينه بس ما بينيش الكرش يعني يا استاذه سمر مش تعملي مش تبيني الرسمه تقومي مبينه الكرش لو سمحتي انا عايزه اقول لكم ان انا كنت في المتحف المصري الكبير من كام يوم وكانت حته زياره انتوا مش فاهمين يعني قد ايه قد ايه انا انبسطت فبالمناسبه دي بقى وح حاله الوطنيه الفظيعه اللي جوايا دي احنا النهارده عاملين وصفتين اخر لزازه حاجه كده مصريه 100% عندنا بقى بصاره هنعمل احلى بصاره مش قادره اقول لكم البصاره دي انا ليا ذكريات معاها وانا صغيره ا في بيت جدتي الله يرحمها كانت احلى واحده تعمل لنا بصاره تيته الله يرحمها جدتي اصلها اصلا ست فلاحه فكانت بتعملها حلو قوي خطيره ومسكره كده تتاكل سخنه تتاكل ساقعه تتاكل بايته بصوا تجنن نا فاحنا هنعملها النهارده بما انها وصفه مصريه جدا فهتكلمكم عنها شويه ونعملها والوصفه الثانيه هنعمل العيش البلدي اللي بالرده ايه بقى اللزازه دي حاجه كده فاخره حاجه كده بتاعتنا يعني مش اي حاجه حاجه لذيذه جدا ان شاء الله يا رب الحلقه تعجبكم وتبقى مشجعه لكم كده لو ناسيين البصاره وبقى لكم كتير مش بتعملوها اعملوها لو بقى لكم كتير عايزين تاكلوا عيش بلدي حلو كده هقول لكم على الطريقه تعملوه في البيت جميل وسهل جدا ان شاء الله تجربوا الوصفات وطبعا هكلمكم بقى عن زيارتي عن المتحف ان شاء الله بعد الفصل هنروح فاصل بسرعه ونرجع اقول لكم البصاره واخد التليفونات طبعا تحت امركم في اي سؤال واقول لكم انا عملت ايه في المتحف خليكوا معانا [موسيقى] انا جيت احنا معاكم على الهواء النهارده الاربعاء نورونا بتليفوناتكم استاذه سموره الاموره استاذه المخرجه بتاعتنا هتنزل لكم الارقام حالا وتنورونا بتليفوناتكم وانا فرحانه قوي بالمرياله الجديده بتاعتي اللي عليها الشكل الفرعوني وقدماء المصريين وهم بيعملوا اكل هكلمكم الاول عن البصاره وبعدين احكي لكم بقى انا عملت ايه في المتحف لان بجد لازم تروحوا ان شاء الله ان شاء الله لازم تروحوا قريب جدا نتكلم عن البصاره البصاره طبعا اكله مصريه اصيله وبعدين انا ايه يعني لما كبرت بقى مش وانا صغيره يعني لما تاملت شويه في بعض الماكولات بتاعتنا المصريه قوي لقيت فيها ابتكار غريب يعني مثلا هتلاقوا نفس مكونات البصاره شويه عملنا بيها طعميه الطعميه بتاعتنا بتاعه مصر ا ندخل نحط فيها كم بيضه كده ومش عارفه ايه ونسيب الفول المدشوش روحنا عاملين شكشوكه يعني عندنا ابتكار بشويه المكونات اللي حوالينا اللي معانا نقدر نعمل بيها ايه وصفه ايه ووصفه ايه وطبعا انتوا بقى التليفونات مفتوحه لو انتم تعرفوا كمان المكونات دي استغلناها في اكلات ايه ثانيه غير مثلا البصاره او الطعميه المصري فقولوا لنا لان انا بجد بجد مندهشه يعني حاجه ظريفه جدا زي طبعنا احنا المصريين كل واحده ست بيت في مصر كلنا وبيت جدتي وعمتي وخالتي كلنا في البيت نفتح الثلاجه عندنا ايه بناخد كده الحاجات ونعمل طبخه ونعمل وصفه ظريفه تشبع وعندنا ابتكار فدي كانت من اهم الحاجات اللي بتميزنا فعلا ولغايه دلوقتي وانا اهو فرعونيه ا حديثه بس مبتكره برده ان شاء الله هبتكر لكم يعني ربنا يسهل فنيجي بقى للبصاره انا معايا فول فول مدشوش الفول المدشوش ده بنجيبه من السوبر ماركت دول تقريبا كيس يعني 400 جرام عايزه تجيبيه من عند العطار ما فيش مشكله هنغسله كويس قوي كده كذا مره عايزه تنقعيه ما فيش مشكله انا مش بنقعه هي بس بكتفي بان انا اغسله كم مره كده تحت الميه الجاريه واصفيه كويس جدا وبيبقى جاهز معايا معانا ايه كمان بقى معانا بصلايه حلوه كبيره كده متقطعه مثلا مكعبات ولا حاجه هنحتاج برده توثم مثلا فصين ثلاثه من التوم معانا بقى ايه مثلا رابطه من ال الكزبره الخضراء في ناس بتحط بقدونس وفي ناس بتحط شبت لكن انا بحط الكزبره بس دي وصفه جدتي ومامتي وعيلتنا بنعملها بالكزبره بس خدت بالي ان في ناس كتيره بتحب تعمل كده وفي ناس بتحط نعناع مجفف لكن احنا عندنا انا باكلها كده فانتم طبعا اعملوا الاضافات اللي انتم تحبوها لكن احنا بنعملها بالكزبره الخضراء اللي متقطعه حتت صغيره رابطه حلوه كبيره ممتازه كده تمام معانا كمان بقى ايه؟ معلقه من الملح الفلفل الكزبره الناشفه الكمون هنحتاج كمان ا زيت مثلا معلقتين ولا حاجه كبار من الزيت وطبعا البصل المحمر البصل المحمر اللي معايا ده بنحمره ياخد لون واحد في تريكتين بنعملهم التريكه الاولانيه ان احنا نحاول نخلي تقطيعتنا في البصل تكون مقاس واحد علشان كل البصل ياخد لون حلو في نفس الوقت تستخدمي بقى قطاعه تعمله لك كده مبشور او وانت بالسكينه كده بحرفانه مثلا تعمليه بالراحه كده عشان ايدك ما تتعورش دي اول حاجه ثاني حاجه زيت سخن على النار بنعفر البصل بشويه دقيق او شويه نشا كده تعفيره خفيفه وننطر منه الدقيق الزياده او النشا الزياده وهنحمره في زيت سخن ياخد لون ذهبي حلو ونشيله على طول بنشيله ونحطه على مناديل مطبخ ويبقى مكشوف في الهواء ما نغطيهوش عشان يفضل مقرمش فاهمين قصدي فهتبقى بقى ظريفه جدا جدا بس كده هنحط كل الكلام ده في الحله ومعاه ميه وبنسيبه يغلي ويستوي والفول يستوي تماما وبعد كده بنضربه بالهاند بلندر فانا هحطهم كلهم في الحله دلوقتي يلا نحط الفول المدشوش كده والبصل والثوم في ناس بتعمل ايه بقى في ناس تخلي الفول والبصل والثوم يستووا الاول وبعد كده يحطوا الكزب كبره انا بحط الكزبره من الاول عادي مافيش مشكله اهو وميه ما بنحطش بقى الكزبره والكزبره الناشفه والكمون والكلام ده كله الا بعد ما الكلام ده ياخد له بقى غلوه ويستوي ونلاقي الفول استوى معانا وبقى تمام انا معايا الحله اهي عماله بتنده لي استنوا ماما نجيبها بقى هنا كده عشان اوريها اهو بصوا ايه السؤال ده يا استاذه ياسمين؟ ده سؤال مفاجاه وفجاه جالي فجاه استاذه ياسمين رئيسه التحرير بتقول لي يا استاذه مروه هو الناس زمان كانت بتضرب البصاره ازاي من غير هاند بلندر في الخلاط انا فاكره تيته ما هو زمان بقى قبل تيته مااررفش لكن ايام تيته برض كان في خلاط فكنا بنضربه بالخلاط عادي دلوقتي بقى في هاند بلندر بنضرب بالهاند بلندر او بالخلاط ايه رايك يا استاذه ياسمين عايزه مني ايه يا استاذه ياسمين احنا على الهواء اسكتي يا استاذه ياسمين دلوقتي هنفضل نضرب كده البصاره لغايه ما تنعم معانا تماما اهو كده بالشكل ده [تصفيق] يا خبر ابيض على الريحه ايه ده انا خايفه اجي لكم صداع عماله اضرب هي لسه عايزه تتفرم كمان اكتر بس انا ايه عماله اشغل الهاند بلندر مش عايزاكوا تصدعوا مني الهاند بلندر برده ما فيش حد يخت اخترع لنا هاند بلندر من غير صوت فين المفروض وبعد كده هنغرف البصاره ونحط لها البصل عايزه اقول لكم معانا تليفون معانا مين على التليفون معانا استاذ حسين اهلا ازي حضرتك يا شيخ مروه ازي حضرتك منورنا الله يخليك يا شيف تسلم ايدي بتحب البصاره يا استاذ حسين نعم يا شيف نعم ا حضرتك بقول تسلم ايد وتسلم افكارك ويعني ربنا يجزيك خير يعني الله يخليك الله يخليك كان زمان قبل الهند الهاند بلندر والكهرباء كان في المفراكه يا شيخ كان في الايه المفراق اللي هي بنعمل بيه الملوخيه اه اه عشان يفرموها صح كده ايوه اه بس كانت بتبقى برده صعبه يعني اه الناس زمان كانت محتاجه دراع قوي بقى علشان الفول المدشوش حتى لو مسلوق برده محتاج هرس جامد ايوه فعلا ده صحيح فعلا ايوه حضرتك نورتنا الله يخليك يا اخ م الله يخليك تسلم تسلم عايزين ندي استاذ حزين الجائزه الاولى في متابعه هذا البرنامج بصراحه والله بجد ربنا يبارك لك يا رب بصوا البصاره محتاجه تنعم شويه عن كده حاسه بكده فانا ايه هغرفها لكم بس تشوفوها كده لكن هي بصراحه محتاجه تنعم اكت من كده شويه الله ريحتها مش معقوله مش معقوله ايه الحلاوه دي ايه الحلاوه دي عايزه اقول لكم بقى ايه على المتحف انا يا جماعه خدت بناتي ورحنا المتحف وحجزنا اون لاين قبل ما نروح علشان ايه يعني نضمن كده ان تبقى نخش على طول ما يبقاش فيه يعني اي وقت بقى نتعطل ولا حاجه والحجز اون لاين سهل جدا ما فيهوش حاجه حجزنا التذاكر بتاعتنا وطبعا المصريين والطلبه المصريين لهم تذاكر مخفضه وحجزنا وحجزنا نا كمان ايه بمرشد علشان بقى نفهم بقى ايه الحكايه وهنشوف ايه وهنعمل ايه ودخلنا المتحف ايه ده ايه ده ايه الجمال ده انا داخله وكل فخر وطبعا تمثال الملك رمسيس واقف خطير وعرفت بقى من المرشده بقى شويه معلومات بقى مش قادره اقول لكم غير الحاجات كمان اللي انا شفتها يعني تمثال رمسيس اسمه مكتوب في كل حته في الحزام وفي ايده دي وفي ايده دي وفي ظهره يعني كاتب اسمه في كل حته و وتمس مثال رمسيس اتعمل وكان ساعتها الملك رمسيس عايش ما كانش مات يعني معمول وهو عايش تمام وبعدين لقيت ايه بقى كمان يا جماعه واحنا بقى بنتمشى كده في المتحف لقيت لانش بوكس والله العظيم احنا اللي عملنا اللانش بوكس تخيلوا يعني القدماء المصريين عندهم حافظه طعام شكلها مبهر ا معموله بطريقه تحفه نحفظ بيها بقى الطيور اللحمه الاسماك كانت بالنسبه لي مبهره يعني فكره اللانش بوكس دي ايه ده احنا اللي عاملينها ولا بقى ايه لقيت يعني لما فتحوا المقبره بتاعه ا توت عنخ امون الملك توت عنخ امون لقوا ايه بقى؟ لقوا سبته سبته اللي هي منتشره دلوقتي وغاليه جدا الواحد عشان يجيب ثبت يحط فيه شويه حاجات شيك في المطبخ كده بندفع بالالوفات دي كانت عند القدماء المصريين عادي يلاقوها في المقبره شايل فيها دوم حاطين له طبعا الناس القدماء المصريين عارفين ان ان هم هيبعثوا بعد الموت فبيقوا و حاطين لهم الاكل بتاعهم فمن ضمن الاكل يعني الدوم البقول وطبعا العيش العيش بتاعنا تخيلوا في في المتحف عيش يعني ايه ده العيش بتاع القدماء المصريين حاجه مبهره ولقيت برده المصريين عاملين حاجه ثانيه جامده جدا تخيلوا المقبره بتاعه توت عنخ امون لما لقوها لقوا ثلاث صناديق جوه بعض يعني دخلوا المقبره لقوا صندوق جوه صندوق جوه صندوق الصندوق الثالث بقى ده فتحوه لقوا ايه؟ لقوا تابوت جواه تابوت جواه تابوت شوفوا المتاهه الفظيعه وعايزه اقول لكم بقى طبعا المرشده قعدت تسالنا المقابر دي المقبره دي جواها الصناديق دخلوا الصندوق ده ازاي القدماء المصريين جوه المقبره كلنا طبعا قعدنا نالف طلعت الحكايه ايه تخيلوا العبقريه في الوقت ده عملوها بطريقه الميكانو عارفين العيال الصغيرين ولادنا وانا كان عندنا ميكانو في البيت الحاجات اللي بنقعد نركبها علشان نعمل مثلا بيت نعمل مش عارفه ايه حاجات بتتركب في بعض هم عملوا كده الصناديق دي صناديق المقبره دي كانوا مظبطينها ومعلمينها بعلامه بحيث انها لما تنزل تحت يعملوها كده ايه يظبطوها فتقفل تبقى متظبطه ومتركبه وهم في المقبره ده زي الميكانو بالظبط زي الموضه دلوقتي في في العفش والكلام ده انتم عارفين بتجيبوا الحاجات حتت وناخدها في البيت بقى نقعد نركبها فتبقى كبيره فمذهله وكل الصناديق دي صناديق ضخمه جدا اللي هي فيها التوابيت بتاعه توت عن خامون من الخشب ومطليه ذهب وعليها بقى حفريات و ايه ده مش معقوله مش معقوله الفن والحاجات اللي راسمينها والالوان اللي استني يا استاذه سمر دلوقتي انا بقول كلام مهم ما حدش يقول لي فاصل استني فده لازم تشوفوه بعينيكم وتشوفوا قد ايه الجمال حاجه مذهله وتخيلوا كمان ان هم كان عندهم سراير ومرتبه يعني سرير الضهر بتاعه من ال من الدهب مش معقول ورجلين السرير عامله زي ايدين الاسد رجلين الاسد ا سراير ا مخدات من ال من العاج ومن الاحجار الكريمه ايه ده ايه ده ايه العبقريه والفن ده حاجه جميله جدا يا جماعه لازم تروحوا انا ب قلت لكم يعني تجربتي ان انا لسه عايزه احكي واقول مش عارفه عمالين يقولوا لي فاصل عايزاكوا تجربوا بنفسكم الزياره للمتحف هتنبسطوا جدا جدا واحجزوا اون لاين و وشوفوا بقى العظمه والحاجات الجميله اللي نفتخر بيها كلنا ونقول ان احنا فعلا الناس دي فعلا مصر ام الدنيا والله ما كلام يعني مش كلام كده لا احنا اللي عملنا الحاجات دي كلها واحنا اللي مبتكرين الحاجات دي والافكار دي ايه ده تحيا مصر نروح فاصل والبصاره الخطيره اهي وبعد الفاصل نعمل عيش بلدي خليكم معانا [موسيقى] انا جيت هنعمل دلوقتي بقى العيش العيش البلدي اللي بالرده الظريف جدا وصفه سهله قوي ما فيهاش ابدا اي حاجه هي طبعا حلاوتها انها بتتعمل في الفرن الفلاحي او في الافران طبعا غير ما بنعملها احنا في البيت غلابه بنعملها بس برده بتبقى ناجحه وتبقى حلوه جدا ممكن نعملها في الفرن او نعملها في طاسه على النار هتبقى ظريفه جدا العيش البلدي بتاعنا ده المميز جدا بطعمه بنكه وخطير يتاكل حاف كده من حلاوته هقول لكم المقادير وبعد كده اكمل لكم موضوع المتحف اه لسه عندي حاجات عايزه اقولها ماشي بصوا معانا مثلا نص كيلو من الدقيق الدقيق اللي انا محتاجاه دقيق قوي يا اما بتجيبيه سايب من الفرن بتاع العيش مثلا تقولي له انا عايزه كيلو دقيق او نص كيلو دقيق او بنجيب بتاع السوبر ماركت ويكون مكتوب عليه دقيق بيتزا ما لقيتيش يبقى دقيق جميع الاغراض تمام علشان الرغيف يطلع معاكي تحفه مهم جدا نوع الدقيق واقصد بالنوع ان هو يكون قوي بتاع مخبوزات تمام فانا معايا نص كيلو مثلا من الدقيق هنحط عليه كوبايه من الرده الرده برده هتلاقوها بتتباع في افران العيش ما فيش مشكله خالص فمعانا كوبايه من الرده الناعمه هنحتاج معلقه كبيره من الخميره الفوريه معلقه صغيره من السكر رشه ملح وطبعا ميه علشان نلم العجينه وبعد كده بنفرد العيش بالرده مش بنفرده بقى بالدقيق لا بنفرده بقى بالرده فبيبقى جاهز معانا على طول لازم نسيبه مرتين يخمر المره الاولانيه بعد ما بنعجنه على طول والمره الثانيه بعد ما نفرده ويبقى جاهز على التسويه لازم نسيبه مره كمان يتخمر قبل ما نحطه على ا التسويه بقى سواء اذا كان في الفرن او على البوتاجاز بس خلاص هنجيب بوله انا كميه الدقيق اللي معايا دي اقل من كيلو واقل كمان من نص كيلو بس علشان ايه انا قلت لكم المقادير الكيلو ا تعملوها هنحط بقى الدقيق قلنا اهو نحط رشه ملح كده ونقلب كده الملح في الدقيق ونحط بقى سكر معلقه صغيره من السكر ومعانا الخميره الخميره الفوريه معلقه كده ايه صغيره مليانه كده حلوه تمام وهنحط كمان الرده ومعايا ميه دافه هنجيب دورق الميه اهو ونحط ميه شويه بشويه وايه ونلم العجينه فيش اسهل من كده خطير وطبعا انتم عارفين اكيد ا ان احنا المصريين عملنا او اكتشفنا الخميره البلدي الطبيعيه اللي بنعملها دلوقتي اللي انا جربتها وكنت فرحانه بيها جدا وان شاء الله في الفتره اللي جايه ممكن اعمل حلقه واثنين وثلاثه مخصوص عشان الموضوع ده بس لان الخميره البلدي الطبيعيه بتاعه القدماء المصريين اللي اكتشفوها اا مش معقوله مذهله وعايزه اقول لكم ان في كل حته في العالم دلوقتي بيستخدموها في عيش الور دو وعاملين قلق وبتاع وهي بتاعتنا ولغايه دلوقتي حبايبنا في الصعيد واهالينا في الصعيد وفي وفي الارياف بيعملوا احلى عيش باستخدام الخميره البلدي الطبيعيه اللي هي بتبقى عباره عن دقيق وميه وليها تكنيك كده معين بنعمله علشان تخمر وتنجح معانا ونبتدي نستخدمها في الاكل ورغم انها معموله من الدقيق الابيض لكن طريقه التخمير بتاعتها بتخليها ليها صحيه لان الوقت اللي بتتخمر فيه بتكسر الجلوتن اللي موجود في الدقيق فبتبقى صحيه اي حد بقى عنده مشاكل في القولون عنده مشاكل مع العيش والمخبوزات هتبقى بالنسبه له ما فيهاش مشكله ابدا ياكلها بامان وهو مبسوط فان شاء الله هي عشان بس محتاجاكوا تبقوا مركزين معايا ومحتاجه مني حلقه كده طويله فان شاء الله ان شاء الله احضرها لكم واعملها لكم عشان تجربوا الخميره وحلاوتها وتفرحوا لانها بتاعتنا بتاعه تحت مصريين تمام عايزه اقول لكم برده حاجه انا لما رحت المتحف عرفت ان هم عاملين ممر بس انا ما لحقتش المره الجايه بقى همشي فيه ممر من الاهرامات للمتحف شفتوا الجمال خطير ممر يجنن علشان لو انتوا جوه المتحف ممكن تتمشوا لغايه الاهرامات او من الاهرامات عايزين تدخلوا المتحف تدخلوا حاجه جميله جدا انا فرحانه قوي بصوا انا بعد ما عج عجنت العجينه هنغطيها ونسيبها تخمر بس لازم نعجنها كويس قوي اتفقنا وانا معايا عجينه خمرانه هناخد شويه رده نحطهم هنا كده ايه على ال الكاونتر حاضر يا استاذه سمر حاضر يا استاذه سمر هناخد بوله كده من العجين كده اهو بصوا بصوا بقعد كده ايه ادحرجه كده في الرده وبالنشابه هفرده حاضر يا استاذه ياسمين انا فاهمه قصدك احط رغيف من اللي تخمره بسرعه قبل الحلقه ما تخلص بصوا انا بفرد كده ايه الرغيف اهو بفرده ومن تحت الرده افرديه رفيع على قد ما تقدري بصي اهو كده بس كده ده سمك هايل للرغيف الرغيف البلدي ابو الرده بتاعنا الحلو ضروري نسيبه يخمر مره كمان نغطيه ونسيبه يخمر مره كمان نعلي هنا بقى كده الطاسه شويه وانا معايا بقى طاسه اهو هناخد الرغيف الخمران اللي معايا ده هنطر كده منه بس ايه الرده شويه ونحطه في الطاسه درجه الحراره بتاعه الطاسه تكون متوسطه وهنستنى كده عليه اول ما الاقي الرغيف لقلق عارفين لقلق معاه كده اتحرك كده ده معناه ان هو ايه يعني جاهز يتقلب الناحيه الثانيه بس مش معناه ان هو استوى لا يعني اول ما يلقلق معايا اقلبه الناحيه الثانيه قلبناه الناحيه الثانيه هستنى برده يلقلق معايا من الناحيه الثانيه وابتدي بقى ايه 30 ثانيه في 30 ثانيه اقلب السايد ده والناحيه دي والناحيه دي لغايه ما الاقيه معايا وعمل لي رغيف خطير طريقه التسويه مهمه علشان يقب معاكي فمحتاجه تبقي واقفه قدامه كده يا اما بقى في حاجه ثانيه ظريفه الفرن فرن سخن درجه حراره 200 او اعلى درجه حراره عندك بنشيل الصاج بتاع الفرن ونفرد العيش ونرجعه الفرن ثاني لما تكوني بقى هتعملي كميه كبيره وندخل الصاج في الفرن في الرف اللي في النص على اعلى درجه حراره تتابعيه هتلاقي اب ونفش وكله احتاجنا نخرجه ونقلبه الناحيه الثانيه ما فيش مشكله بيطلع خطير بصوا هو لسه ما لقلقش معايا اهو بصوا لقلق بصوا لقلق معايا هعمل ايه بقى هاخده كده واقوم قلباه الناحيه الثانيه وهستنى برده لما يلقلق هتطلعوا رغيف بلدي خطير المصريين حبايبنا وغير المصريين حبايبنا برده اللي قاعدين بره مصر ومش عارفين ياكلوا عيش بلدي اعملوه وادعوا لي هتلاقوه قب كده وبقى خطير بصوا اللي احنا عاملينه قبل ما نطلع معاكم هوا بصوا حلاوته ولزازته خطير مالوش حل احلى رغيف بلدي بالرده والله يا جماعه بصراحه اهو هنا برده كده لقلق حاضر يا استاذه سمر ونفضل بقى ايه على السايد ده على السايد ده وتخلوا بالكم منه وتعملوا بصاره وروحوا المتحف ها واكتبوا لي في الكومنتات كده زيارتكم اخبارها ايه وعملتوا ايه وبشكركم بقى جدا ان انتم بتتفرجوا عليا بصراحه والله بشكركم جدا ومعلش لو ما عرفناش ناخد كل التليفونات ان شاء الله الاسبوع الجاي ودايما كل يوم اربع هكون معاكم على الهواء ان شاء الله بحبكم جدا واتفرجوا علينا كل يوم الساعه ده على قناه النهار باي باي [موسيقى] [موسيقى] เฮ [موسيقى] [موسيقى] حلو