أغروم لاحوال(كسرة الاعشاب)تاع لقبايل الاصلـية ♨️سميـد لي نستعملوه و اسرار اخرى galette aux herbes

وصفة تقليدية أمازيغية عريقة 🌿 “أغروم لاحوال” أو كسرة الأعشاب بزيت الزيتون الأصلي، بنكهة الجبل ورائحة الأعشاب الطبيعية 🌿🌾 وصفة تجمع بين البساطة والطعم الأصيل، مثالية للفطور أو العشاء مع كأس شاي بالنعناع 🍵 تراثنا في كل لقمة ❤

#كسرة_الأعشاب #أغروم_لاحوال #المطبخ_القبائلي #وصفات_تقليدية #زيت_الزيتون #مطبخ_جزائري #تراث_أمازيغي #طبخ_بيتي #أكلات_ريفية #كسرة_تقليدية

Une galette kabyle aux herbes aromatiques et à l’huile d’olive vierge 🌿✨ Une recette traditionnelle pleine de saveurs de montagne et de naturel ! Simple, saine et authentique — parfaite pour le petit-déjeuner ou le dîner avec un bon thé à la menthe 🍵 Un vrai goût de tradition berbère ❤️

#galettekabyle #aghroumlehwel #cuisinekabyle #cuisinealgerienne #huileolive #recettetraditionnelle #saveursdumaghreb #faitmaison #cuisineduterroir #gastronomieberbère

السلام عليكم الزلفلون اليوم في كويزين كهنا جرجره نحضر معكم اغرم الاحوال وب كسره الاعشاب او لايت اوزاب ما تبغوا تسميوها انا هذ الحشاوش نحيتوهم من الجردان النعناع والفلفل والفلفل الطرشي والطماطيش زدت لها حتى السلق نحب نحي هذوك الوراق ماشي لاتيج نحيه الوراق ونضيفه في في الكسره ونزيد البصل يعني مازال ما البصل الاخضر نحيط غير شويه جي بروفيتي غرسنا شويه بطاطا شوفوا ما شاء الله راهي عطت بدات بدات تعطي الجذور ونا بروفيتي غرسناها ودخلت للدار وغسلت كامل هذك هذوك الحشاوش هذك هذاك البصل وغسلت النعناع نحيته درته هكذا في وراق نحيت له ذوك لاغصان وزدت قشرت قشرت البصل ما قلتلكم زدت له جوج شنيناتج وزينا الثوم قلت لكم السلق ندير غير لي فوي فوالا هذو دوك نروح نطحنهم كامل ما نطحنوهمش مليح خليو فيها شويه الروح اختياري يمكن تضيفوا يمكن ما تضيفوش الثوم في الكسره تاعكم انا نحب نديرها تعطي ذوق مميز ونزيد حتى الشحمه الشحمه تاع الخروف اللي درنا لها الملح نهار العيد درك بعد ما طحنتهم قلت لكم خليو فيهم شويه الروح ماطحنوهمش مليح بهذه الطريقه شوفوا غير يتفتوا يمكن ديروا هذه الخطوه ال عندكم الوقت ديروها غير بالموس قطعوهم بيدكم وزدت لها زيت الزيتون يعني كاس الشاي السميد اللي راح نخدم به السميد المتوسط نورمالمون بالسميد المتوسط اللي نخدموا بهذ الكسره المبتدئات خلطوا لها شويه رقيق هكذا ما تغبنكمش كي تجيو تحلوها ما تتشخش من الاطراف ما قلت زيدوا لها شويه شحمه نفرغ الزيت زيت الزيتون يمكن ما عندكمش ديروا خليط زيت الزيتون والزيت العاديه مع الشحمه هذه نرافيها برك تعطيني غير الذوق هذه ثاني اختياري الكبار في السن يحبوها يحوسوا على الذوق الاصلي لهذ الوصفه امهاتكم جداتكم عمامتكم اكيد يحبوا هذ الشحمه في الكسره نزيد لها غير نصف كوب الكوب اللي كوب تاع الاتاي غير شويه ماء برك كاين اللي المبتدئات ضيفوا الماء ننصحكم هكذا ما تبلكمش ما تتفتتش كي تجيو كي تجيو تبسطوها من المستحسن فوالا نبدا نضيف السميد بالتدريج يعني ما تضيفوش الكميه على خطره شوفوا الطريقه اللي راني نخدم بها البنات هذه ماشي كسره عاديه او مطلوع هذه عندها خطوات وعندها اسرار لانه الا ما تبعتوهمش راح تجيكم يابسه كي طيب تيبس دونك خدموها بهذ الطريقه ضيفوا السميد غير بشويه كي قلت لكم ديروا لاسوم الموايون او السميد المتوسط من جهه هذاك الحرش اللي اللي فيه الرقيق دونك ماشي تاع المقروط ولا تاع تاع الطمينه دونك السميد المتوسط اللي فيه اللي كاين فيه يجي معه هذاك الرقيق هذا اللي مليح لهذ الكسره ماديروهاش ماطيبوهاش بالكسره بلاسم سموا الفين غير اذا ما توفرش عندكم السميد المتوسط ولا ديروا خليط تبعوا مليح البنات ماشي من بعد تحضروها تقولولي جات يابسه ولا جات طريه جات تفتت دونك تبعوا الخطوات ي نخدم بها غير بالاصابع ممنوع الدلك البنات هذا ماشي كسره ماشي مطلوح ما قلت خدموها غير بالاصابع ولموها كي ديرها الكميه تاع السميد اللي توالم ما تكثروش البنات غير ما تكثروش وماديروش صي ما تشحوش السسميد دك شوفوا كيفاش القوام اللي نتحصل عليه يعني عينكم ميزانكم هنا السميد الكميه تاع السميد ماديروش بزاف لانه ماراحش تشد تجيكم يابسه ما تشحوش ما قلت وتجيكم طريه وتجي تتفتت هايليك البنات يعني تلمت ما شاء الله يعني الطريقه سهله والنتيجه وتشوفوها روعه نتحصلوا على اروع كسره اعشاب يمكن تحضروها خاصه هذا الموسم فيه دك يبدا يبدا البصل الاخضر دو بريفيغونس وتحضروها باذن الله اكيد راح تعجبكم انا عطيت لكم الوصفه الاصليه نخدموا فيها هنا في منطقه القبائل نحضروها بدون مناسبه يعني خلال جو فو كارونتي كيكون بصل الخضر نحضروها ا فوا با سومين د فوا فوا با دي جو يعني القبايل يعرفوا يعرفوا على بالهم شر نقول مباشره يعني بعد ما قسمت العجينه على زوج مباشره نبداو نخدموها هذه الاولى نخدمها غير باليد شوفوا الطريقه البنات هكذا ما تتحلش كل مره زيدوا لها السميد حركوها هكذا و تضمنوا ما تلصقش خدموا بيدكم في زوج يد وحده تكسل يد وحده تحكمها من الاطراف هكذا ما تتشققش دونك المبتدئات تبعوا هذ الطريقه الاخرى نبسطها لكم بالحلال وتشوفوا اذا لحقتوا لهذا وقت في مشاهده الفيديو قولوا لنا منين راكو تبعوا القناه ونبعث لكم تحيه خاصه فوالا كل مره ما قلت لكم البنات حركوها والطاجين تاعكم او يسخن شوفوا ما شاء الله هاولك السمك يمكن ترقوها يمكن ديروها غليظه وسميكه ما تحبوا انا ما نحبهاش كي تكون رقيقه لانه جينغالمون كي تكون كي تبرد تولي ما تجيش مليحه تجي معلكه نوعا ما دونك خلوها بهذا السمك انا الطاجين تاع الحديد درت له شويه زيت بعد ما سخنته مليح نقصت النار متوسطه و حطيت الكسره تاعي بلابلاك هذيك اللي خدمت بها في الاول كي تقلبوها بالبانسو نحيول لها زياده تاع السميد فوالا مباشره ندير لها زيت الزيتون من الفوق اللي خدمتها بالزيت زيت الصونكو تدهنها بالزبده هنا نخدموها ونحضروها بزيت الزيتون والذوق روعه يعني ما شاء الله نقوللكم اذا كنتوا اول مره تزورونا اذا عجبكم الفيديو طبعا دعمونا بالاشتراك هكذا يصلكم جميع الوصفات القادمه باذن الله ما تنساوش اللايك والتعليق شباب ما انتما ربي يحفظكم فوالا هذه اني نبسط فيها بالح الحلال كل مره نخدم الاطراف هكذا تضمنوا انه ما تشققش لانه هذا البروبليم تاع بزاف اخوات كييحضروها هذ الكسره تتشقق من الاطراف هذه هي الطريقه دونك بعد ما طيبتهم درت لهم شويه زيت ما نحكيلكمش على لود الريحه في الدار تشميها من البعيد يعني تيلمون فيها الحشاوش فيها شويه الشحمه شوفوا النتيجه خرجت ما شاء الله خاصه اذا كريتوها وهي سخونه انا غر من الاحوال او هذ الكسره نحب نحضرها في شهر رمضان ناكل بها الشربه صدقوني بنه تجي روعه وخاصه انه ما تضرش المعده اطلاقا حضروها جربوها وردولي بالخبر وكاين اللي شرب بها ميم القهوه انا من بينهم انا هذه الكسره نفضلها على الخبز نفضلها على المطلوع نفضلها على اي مخبوزات ما على بالكم قبايل محبوزات عندنا عندنا من كل نوع هذه الوصفه وباقي الوصفات صدقه جاريه لولادي ربي يوفقهم يعطيهم صحيحتهم ويوفقهم في مشوارهم الدراسي واولادكم كامل ان شاء الله هذه الكسره سخونه بزيت الزيتون تنفع كوجبات غذاء او عشاء ونحبوها ثاني بالدرسه تاع الطماطيش والفلفل الحار شاهيتكم في الجنه البنات ان شاء الله الفيديو هذا نال اعجابكم ورضاكم بارطاج مع الاحباب والعائله هكذا تعم الفائده اترككم في رعايه الله وحفظه الى اللقاء في وصفه اخرى فيديو