Eggplant with Meat and Chickpeas Fatteh in special unique way

أطيب فتة باذنجان واللحمة مع الحمص بطريقة مميزة
رغيفين خبز
ملعقتين كبيرتين زيت زيتون
٣ باذنجان وسط ملعقتين كبيرتين زيت زيتون للباذنجان
نصف كيلو لحمة مفرومة
٢٥٠ غ حمص مسلوق
٣ حبات بندورة وسط
ملعقة كبيرة ونصف شراب بندورة
بصلة كبيرة مفرومة
ملعقتين من زيت الزيتون لصلصة البندورة
٣/٤ كيلو لبن
٣/٤ كوب طحينة
حصين من الثوم
عصير حامضة
ملح
بهار اسود
بهار ابيض
قرفة
بهار حلو
ملعقتين كبيرتين سمنة
لوز
للزينة بابريكا
بقدونس

Eggplant with meat fatteh / fattet l batinjein in special way
2 Lebanese bread
2 tbsp olive oil for the bread
3 eggplant
2 tbsp olive oil for eggplant
1/2 kilo minced meat
250 g boiled chickpeas
3 medium tomatoes
1 & 1/2 tbsp tomato paste
1 large onion chopped
2 tbsp olive oil for tomato sauce
3/4 kilo yogurt
3/4 cup tahini
2 cloves of garlic
1 whole lemon juice
Salt
Pepper
Black pepper
White pepper
Cinnamon
2 large spoon ghee
Almond
For decoration
Paprika
Parsly

#lebanese #lebanesecuisine #yogurt #fatteh #eggplant #eggplantrecipe #meat #ramadan #ramadanspecial #ramadanfoods #ramadanfoodrecipes

مرحبا واهلا وسهلا فيكم جميعا بوصفه جديده من حياه هوم كوكين تشانل بتمنى تكونوا كلكم بالف خير وصحه كل سنه وانتم بالف خير صوم مقبول رمضان كريم وصفتي اليوم هي الفته بالباذنجان واللحمه المفرومه والحمص ومين ما بحب هالوصفه اللذيذه كثير بالاخص بهالايام هيدي كثير طيب هالطبق هذا اذا كان موجود على سفرتنا وهال الطبق هذا بناسب الجميع للاشخاص النباتيين في يتبعوا نفس الطريقه من دون يحطوا لحمه تبعوا نفس الطريقه رح تاخذوا اطيب نكهه فته يعني غير شكل رح نبدا الوصفه مباشره بس ما نروح على الافران نشتري الخبز اللبناني هيدي هي الربطه بشتريها بهالشكل فيها ست رغف حجمهم كثير كبير راح استعمل رغيفين خبز لهال الوصفه هيدي اكيد اذا الاحجام الخبز عندكم اصغر بتستعملوا كميه اكبر وفيكم تستعملوا غير انواع خبز اذا بتحبوا خبز الاسمر خبز القمحه الكامله بيمشوا بهال الوصفه هيدي للفته بدنا خبز مكعبات صغيره بقطعهم كلهم بنفس الحجم يعني قد ما فينا اليوم راح اشتغل الفته بطريقه شوي بتختلف عن الفته اللي بنعرفها يلي هي بدنا نقلي الخبز بالزيت بدنا نقلي الباذنجان بالزيت ونكثر زيت لنقلي اللحمه وبس راح اترك شغله وحيده انه نترك السمنه على وجهها يعني بس هيدي الشغله الوحيده ي راح تكون دسمه بقلب هالوصفه هيدي والنتيجه راح تطلع رائعه جدا جدا هي من بعد على التجربه عم بحكي لكم كيف راح اشوي الخبز ويطلع مقرمش كانه مقلي راح اوضع عليه ملعقتين كبار من زيت الزيتون وبخلطهم كلهم وبفرم على بعضهم لانه في الخبزه بتبقى هي طبقتين بدنا نفتح الطبقتين عن بعضهم لازم الخبزه تتشرب من زيت الزيتون نخلطهم كثير منيح نتركهم يرتاحوا شي ربع ساعه حتى الخبز يتشرب من الزيت من بعد ربع ساعه بفرده على صينيه اذا في خبزه ملزقه بالثانيه بفرده عن بعضهم ونضعهم بفرن محمم سبقا حتى يحمروا بس بنص الوقت بنطل عليهم بنخلطهم شوي لانه اذا في طبقتين خبز فوق بعضهم بيبقى في خبز تحمص اكثر من خبز هيك اذا خلطناهم بياخذوا كلهم نفس التحميسه برجع بفوت على الفرن حتى يتحمص ويصيروا كلهم بنفس اللون اللون الذهبي المقرمش راح سمعكم صوت الخبز يلي بتحسوه كانه مقلي اذا مش حابين هالطريقه اكيد فيكم تضعوا مقلي فيها زيت نباتي بالمقل وبتقل الخبز على دفعات وبيطلع عندكم كمان الخبز مقرمش هون بس عم نخفف قلي وعم نخفف سعرات حراريه راح اوضع الخبز على جنب وانتقل على الباذنجان راح استعمل ثلاث باذنجانات حجم يعني وسط على كبير مغسلين اكيد راح اشرهم نص تقشيره انا يا جماعه من محبي الباذنجان المقلي وبين كل فتره وفتره بعمل هيك وجبه مق مي باذنجان مقلي قرنبيط مقلي مع السلطه بس بهوه بقول لكم استغنوا عن القلي يعني قد ما شلنا زيت من الباذنجان المقلي قد ما صفينا قد ما عالجناه قبل القلي بده يشرب زيت ما في يعني بخفف بس بضل شربان زيت وبه الوصفه بالزيت بنصحكم تشوه راح تاخذوا نفس النكهه بس ما بتحسوا حالكم هيك عم تاكلوا زيوت كثيره ف راح نقصه مكعبات صغيره او وسط هيك مثل ما شايفين راح اضعهم بنفس الصينيه نفردهم عليها وبنرش عليها هيك مثل ما شايفين شويه زيت انا استعملت زيت الزيتون فيكم تستعملوا زيت نباتي يعني كانه عم ندهن الصينيه بالزيت بس هيك بنكون غبنا واعطينا طعمه زيت الزيتون للباذنجان بخلطهم فيه كثير منيح وفردهم وبدخلهم على الفرن الحامي بعده لحتى ينش كثير منيح كل شوي نفتح الفرن وبنشوف ه الباذنجان بنطل عليهم اذا بدهم تحريكه بنحركهم شوي حتى مش بذنجان تستوي وباذنجان تضلها نيه عادي يعني كلنا بنعرف اكيد بس انا عم بحكي للمبتدئات اكيد يعني هالطريقه كثير راح توفر زات عليكم كثير راح تطلع طعمه اطيب بكثير ما تكون الفته مزيته يعني اللبن وهيك بدي اياكم تاخذوا طعمه اللبن الطيب طعمه البندوره هلا را نسويها شيء كثير طيب راح يطلع مع الباذنجان يلي بتحسه هيك خفيف ما فيه اي زيوت نشوي الباذنجان كثير منيح وننتقل للبن عندي ثلاث ارباع كيلو من اللبن راح اوضع عليهم ثلاث ارباع كوب من الطحينه اذا بتحبوا اللبن قليل الدسم فيكم تستعملوا لبن قليل الدسم كمان هيك بدكون وفرتوا على حالكم سعرات حراريه راح وضع فوق حصين من الثوم المدقوق ملعقه صغيره ونص من الملح عصير حامضه وبدي اخلطهم كثير منيح حتى يمتزجوا ويصيروا مزيج واحد الخبز صار جاهز الباذنجان صار جاهز واللبن صار جاهز بنتقل للحمه المفرومه عندي نص كيلو من اللحمه المفرومه راح اضعهم مثل ما شايفين بالمقل من دون اي مواد دهنيه ما حطيت مواد دهنيه لانه عم بستعمل لحمه الخ خروف وكلنا بنعرف انه لحمه الخروف هي فيها دهون مع انه منظفين كثير منيح اذا ملاحظين ما فيها نقطه بيضه بس قد ما كان هالنوعيه اللحمه فيها دهون فاليوم عم نساوي فته قليله الدسم يعني تقريبا هلا بنشوف بالاخر اذا راح تكون قليله الدسم بدنا نطبخها للحمه كثير منيح نحن بنعرف انه الفته لازم المواد تكون مطبوخه كثير منيح لانه هلا بالاخر رح نحطهم على بعضهم وخلص ما را نحطهم بالفرن عن جديد او بالمقل فبن طبخهم كثير منيح را اوضع عليهم البهارات ملعقه صغيره بهار عادي نص ملعقه صغيره بهار اسود رشه بهار ابيض رشه قرفه وملعقه صغيره ملح الملح اكيد على الذوق بتزيدوا بتنقص مثل ما انتم بتحبوا وبنترك اللحمه على النار حتى تستوي كثير منيح وهيك اللحمه المفرومه صارت جاهزه خلصنا تحضير الفته اكيد لا بعد عننا اهم اشياء اللي هي صلصه البندوره نحن بحاجه لثلاث حبات بندوره وسط ملعقه كبيره ونص معجون البند وه ملح بهار اسود بصله مفرومه ناعمه كمان للوصفه بدنا 250 غرام من الحمص المسلوق بالنسبه للبندوره انا بحب اشرها لانها هي بندوره جبليه القشره بتطلع بكل سهوله من دون ما نسلقها على النار يعني بس في حال البندوره عندكم مش مثل هيدي ب تعملوا لها جرح صغير على القشره بتحطوها بمي سخنه بتحسوا القشره دغري قبت وفيكم من دون ما تقشر البندوره وضعوها بالمكنه وتطحنها مثل ما بتحبوا بس انا قشر البندوره الجبليه بتكون شوي هيك قاسيه فبحب شيلها بوضعهم بالمكنه الكهربائيه قد ما بتساع ونطحنهم راح خلص ثلاث حبات بندوره وانتقل على النار بطنجره على النار راح اوضع هيك شويه زيت زيتون انا من محبي زيت الزيتون يعني قد ما فيني استعمل زيت زيتون بست زيت زيتون راح اضع على الزيت البصله المفرومه حركها حتى تدبل شوي راح اضع على البصله ملعقه صغيره من الملح ورشه صغيره من البهار الاسود بحركهم بس ما نحس البصله بلشت تدبل شوي بوضع عليها شراب البندوره بحركهم مع بعضهم شوي بقليه للشراب وبوضع صلصه البندوره يلي طحنا بنحركهم دغري بتحسوا بدها تبلش تغلي بوضع الحمص المسلوق 250 غرام من الحمص بس راح اخلي شوي للزينه من دون ما احطهم بالصلصه بحركهم مع بعضهم بغطي الطنجره لانه البندوره لما تبلش تغلي بتصير تجويل لكم الدني وطرطش فغط الطنجره وخففوا النار حتى البندوره تعقد او تتسبك لتصير بهالشكل هيدا بتحسوها ما بقى فيها مي عقدت كثير منيح بطفي النار وبدي احمص شويه خبز للزينه مثل ما شايفين عملت هيك حبال صغيره لفيته على بعض وتركت شوي من دون لف وراح استعملهم للزينه بيطلع الجد كثير حلو كل شيء صار جاهز لحتى نشتغل بالف استعملت صينيه ازاز لانه هيك بنشوف المكونات بيطلع شكلها كثير حلو بوضع كل الخ الخبز اللي حمصنا بقلبها مع نص كميه الصلصه الحمراء الليي لازم تكون سخنه طالعه دغري عن النار ما بنخلط الصلصه مع الخبز بنتركها هيك بس حط على الوجه بوضع نص كميه الباذنجان يلي شوينا صدقوني راح يكون اطيب من المقلي به الوصفه هيدي نفردهم كمان فرد ما بنخلط بس عم نعمل طبقات من المكونات اللي اشتغلناها نوضع كل كميه اللحمه المستويه على وجه الباذنجان اكيد هلا هون الاشخاص الصايمين عن اللحمه او النباتيين ما بوضع اللحمه نفرد اللحمه بالتساوي على الباذنجان فاذا حطينا اللحمه كلها برجع بوضع فوق اللحمه كميه الصلصه يلي بقيت صلصه البندوره والحمص عن جديد نفردها بالتساوي على اللحمه وفوق ه الصلصه برجع بوضع الكميه الباقيه من ذنجان عم حااول هيك رص الباذنجان على صلصه البندوره لانه هلا صار وقت نوضع اللبن وبدي انه الصينيه تساع اكبر كميه ممكنه من اللبن حطوا اللبن على وجه هالمكونات كلها قد ما بتساع الصينيه والكميه اللي بتبقى من اللبن اكيد بنحطهم بكاسه واللي بحب يزيد بصحن بزيد نسيت اذكر انه اللبن نحن بلبنان بقول لبن هو الزبادي ببعض الدول العربيه بقولوا عن اللبن الزبادي وهشي كان لازم اذكره من اول الوصفه فنحن عم نستعمل اكيد اللبن يعني الزبادي يعني بحط اللبن على الماكسيمم قد ما بتساع الصينيه بوضع كميه اللبن بهالوقت شو عم بعمل كلنا بنعرف انه الفته على وجهها لازم يكون في السمنه لازم هيك تنغمر بالسمنه الغير شكل هال السمنه حيوانيه من مكان خاص جدا كثير كثير طعمتها طيبه راح اضع معلقتين كبار من السمنه بمقلايه بخليهم يسخنوا منيح بنزل كميه من اللوز راح احمص اللوز فيكم تحمص سنوبر كمان بال المقمعه الليي موجود عندكم لحتى يصير معنا بهاللون الذهبي الحلو كثير مباشره هي والسمنه بعدها سخنه بوضعها على وجه اللبن لحتى نسمع هالصوت الحلو عرفتوا ليه بحط صوتي فوق الفيديو لانه الاولاد ما بيسكتوا حوالي يعني جربت سكتهم لسوا هيك بليز ثواني سكوت قدرت اخذ كم ثانيه يعني بس الا ما الله يخلي اد الجميع يا رب بالنسبه لكميه السمنه فيها تكون اكثر من هيك اكيد انا يعني حطيت هولي بزياده علينا اكيد فيكم تحطه كميه اكبر لانه بتعطي طعمه كثير طيبه للفته مثل ما عم بتشوفوا عم زينها باللوز المحمص الخبز المقرمش والحمص فيكم كنتم تتركوا لحمه كمان تزينوا باللحمه بس انا حبيت اللحمه تضلها هيك سخنه بقلب الوصفه ازبط والبابريكا فيها تكون بابريكا حاره فيها تكون بابريكا حلوه انا استعملت بابريكا حلوه فيكم ترشوا اكثر يعني الزينه على الذوق اكيد والبقدونس هالوصفه لازم نقدمها مباشره هلا لما اخلص تزيين دغري على الطاوله ما بتنطر ابدا بس اكيد تحضيراتها مثل اللحمه والصلصه فيكم تحضروه وتسخنه وترجعوا تحطوا المكونات مثل ما اشتغلنا واخر شيء بدكم تحمسوا اللوز اكيد السمنه بتكون سخنه لحتى نشه فوق اللبن بس لانه فيها خبز لازم دغري تتقدم حتى ما يتش الخبز اكيد لانه الخبز له وقت معين ليضل محمص وبعدين بتشت ما فينا نحضرها قبل بوقت ونقعد ننطر لا شو رايكم بهال التزيين عجبكم اذا حبيتوا ما تنسوني باللايك شير والسبسكرايب وما تنسوا تفعلوا زر الجرس حتى يوصلكم كل جديد من حيات هوم كوكين بشكر كل شخص عم شجعني كل شخص عم يحضر الفيديو للاخر كل شخص عم يضع لي لايك وكومنت حلوه مثل قلبكم الحلو بشكركم من كل قلبي وبتمنى التوفيق لكل شخص منكم وهذ الفته صارت جاهزه دغري على الطاوله مباشره للسكب وصفه رائعه بلشت الالوان بدها تبين يعني دائما بجيب ملعقه كبيره للسكب ف بنقول بدنا اكبر فعم نسكه بال الصحن ليطلع صحن شهي جدا ويكون فيه من جميع المكونات وهذا شكل الفته بالصحن هيك لازم يكون اذا بتحبوا اللبن زياده بزيد اكيد وصفه مغذيه كل العناصر الغذائيه موجوده بقلبها فيها تكون طبق اساسي على الطاوله مش دروري نعمل حدق اي شيء اذا كنا بس نحن وعائلتنا واذا كان عندكم ضيوف هالوصفه مميزه جدا رح تكون على طاولتكم بتمنى من كل قلب تجربوها وانا اكيد اكيد راح تحبوها كلكم في حال مش مجربينها شيء كثير طيب نكهه ولا اروع الخبز مقرمش مثل ما انا بدي كانه مقلي طعمه الباذنجان مشوي ما فيه زيت كثير صلصه البندوره شو بدي اخبركم اعطيتها نكهه جربوها وصفتي لليوم خلصت بتمنى تكونوا استمتعتوا بالمشاهده بشكركم كثير على المتابعه وبشوفك ب فيديو جديد قريبا جدا باي باي